Нэр байхгүй ээ. - Шинэ бичлэгүүд

Энэ банжиг

Tue, 09 Mar 2010 20:02:18 +0800

Сайтныхаа нүүрэн дээрх хаа байгаа 2008 он таны хувьд ямар жил болсон бэ? гэсэн санал асуулгаа авахгүйн байх даа. Сонин юм шүү. Тийм хэрэгтэй эд юм бол уу?

Гарчиггүй

Mon, 08 Mar 2010 17:38:02 +0800

Амьдрал сайхан амьд явах бүүр сайхан. Гэхдээ л одоо амьдрал гэж новш юм даа гэж хэлмээр байна. Ёооё новш гэж

Би чамд хайртай 2

Tue, 27 Oct 2009 22:20:23 +0800

киног нэлээн хэд хоногийн өмнө үзлээ. Таалагдсангүй ээ. Үйл явдал нь нээх авцалдаа муутай хэдийдээ ч Мэндээ Золбоо хоёр нь бие биедээ тийм их хайртай болчиж байгаа нь. Тэр Баяраагийн аав нь нээх Үрлээ ч гэж санахгүй байснаа мэдэнгүүтээ Үрлээгийнд очоод шууд л бараг Баяраатайгаа суулгах нь ээ. Ундрал Болд хоёр нь дүрдээ нээх сайн тохироогүй юм шиг. Харин Өөскө бол бараг л гол дүр нь болчихсон юм бишүү. Хангайгийн дүрд тоглосон Эби бас сайн тоглож байсан. Би чамд хайртай нэг нь бол үнэхээр хүний сэтгэлд хүрсэн бараг л домог болсон сайхан кино болохоор хүмүүс нэгтэй нь харьцуулж дүгнэх нь гарцаагүй. Тийм болохоороо ч тэр юм уу сэтгэлд огт хүрээгүй ээ. Сүүлийн үед гараад байгаа киноноос ялгараад байхааргүй л санагдсан. Харин тэр Амьдрах тасалбар гээд кино үзэхэд сэтгэлд дарамттай хүнд кино болохоос дажгүй болсон байна лээ. Баахан киноны лавлах шиг юм биччих вүү дээ.

Шатахуунаа хэмнэх аргууд

Tue, 31 Mar 2009 14:28:49 +0800

Бензин шатахууны үнэ нэмэгдэж байгаа энэ үед жаахан ч гэсэн тус болох болов уу гэсэн үүднээс дараахь зөвөлгөөг оруулж байна.

1. Машиндаа хүнд ачаа ачихаас аль болох зайлсхийж байх

2. Дугуйныхаа хийг долоо хоног бүр шалга.

3. Машиныхаа цонхыг гадар болон дотор талаас нь сайн арчиж хуурай цэвэр байлга. Мөн нойтон болон хөлстэй бэлтгэлийн хувцасаа маниндаа шөнө битгий орхиж бай. Учир нь цонх цантаж, норох нь халаагуур болон агааржуулагч удаан хугацаагаар ажиллуулах шалтгаан болдог. Үүнд шатахуун их зарцуулдаг гэдгийг анхаар.

4. Хурдны хязгаараа бүү хэтрүүл. Таны машин хурдлах тусмаа цангадаг гэдгийг бүү март.

5. Та 3-н минутаас илүү зогсолт хийхээр бол хөдөлгүүрээ унртаа. Хүн хүлээж байх зуур гэх мэт.

6. Машиныхаа хамрыг аль болох нар луу харуулж тавьж бай. Хүйтэнд бээрсэн хөдөлгүүрийг халаахад шатахуун их зарцуулдаг.

7. Хэрвээ шаардлагагүй бол машин дээрээ суурилуулсан нэмэлт ачааг ав. Энэ мэтчилэн жижиг гэлтгүй олон шалтгаан шатахуун зарцуулалтад ихээхэн нөлөө үзүүлдэг байна. Дээрх зөвөлгөөг өдөр тутам хэвшүүлж чадвал бодитой үр дүнд хүрэхнээ.

Цэвэрлэчих юмсан.

Fri, 16 Jan 2009 09:03:04 +0800

Ёооё энэ гудамж, зам, талбайн халтиргаа гулгаа арай л аймар байнаа. Хөлөө газраас салгахгүй чирч явахгүй л бол уначих гээд. Уул нь социализмийн үед албан байгууллагаараа гараад л өөрсдийн урдах зам талбайгаа цэвэрлэчихдэг байсан гэсэн. Одоо ч гэсэн тэгж болдоггүй л юм байх даа. Тухайн газарт ноогдох хэмжээ нь бага юм чинь нээх их хугацаа орохгүй дээ.Уул нь хялбархан хялбархан шийдчихээр асуудалууд байх л юм. Даанч сэтгэл дутаад байдаг байх юм даа.

Хүнд хэцүү байдлаас хэрхэн ангижрах вэ?

Mon, 12 Jan 2009 09:07:31 +0800

Одоо дэлхий даяараа л санхүүгийн хямралд орж байдал хэцүү байгаа. Монголд маань ч гэсэн өдрөөс өдөрт бараа үйлчилгээний үнэ хөлс өсөж байгаа болохоор мөнгөө хэрхэн хэмнэх талаарх зөвлөгөө уншсанаа бичлээ.

1. Худалдан авах юмныхаа тодорхой жагсаалтыг гаргаад түүнийгээ хатуу баримтлан наймаа хийх.

2. Богино хугацаанд ч болов өрөөнөөс гарахдаа гэрэл, радио, телевизороо заавал унтрааж байх.

3. Цалин хөлснөөс гадуур шагнал, урамшил, бэлэг сэлт сугалааны тохирол зэрэг нэмэлт орлогыг банкинд байрлуулвал хэсэг хугацааны дараа нэлээд мөнгө хуримтлагдсан байна.

4. Долоо хоногт нэг удаа ч болов нэг цаг ч гэсэн нэмэлт хөдөлмөр эрхлэхийг хичээх.

5. Гарцаагүй хоолойд хутга тулгасан үед л хүнээс мөнгө зээл. [...]

Хамгийн хортой таван хүнсний бүтээгдэхүүн.

Tue, 06 Jan 2009 15:40:32 +0800

1.Шокалад, чихэр. Их хэмжээний сахар, химийн бодис чихэрлэг ундаа будаг зэрэг агуулсан байдаг байна./

2.Хийжүүлсэн ундаа. Амны цангаа тайлах гэж ойр ойрхон уух сонирхол төрүүлдэг учир их хэрэглэдэг. Маш их хэмжээний сахар агуулсан ба ясны сийрэгжилтийн явцыг хурдасгадаг.

3. Чипс, хөөмөл чипс. Нүүрс ус их хэмжээний тос, химийн амтлагч бодис зэрэг агуулсан байдаг.

4. Хиам зайдас. Бидний хэрэглэх дуртай бүтээгдэхүүний 40% нь нууц өөх тос их хэмжээний химийн бодис хиймэл амт оруулагч зэргээр хийдэг.

5.Өөхтэй мах.Ялангуяа шарсан хэлбэрээр өөхтэй махыг хэрэглэх нь эрүүл мэндэд хортой байдаг байх нь.

Шинэ оны мэнд хүргэе

Tue, 30 Dec 2008 16:16:56 +0800

Маргааш шинэ он гарна. Нэг жил ч хурдан юмаа. Саяхан л 2008 он гарч байсан шиг санагдах юм. Гэтэл одоо 2009 он гарах гэж байна. Ингээд өөрийн хайртай дотны бүх хүмүүстэй болон та бүхэнд шинэ оны мэнд хүргээд энэ хорвоогийн хамгийн сайн сайхан аз жаргал бүхнийг хүсэн ерөөж ирэх жилдээ аз хиймортой санасан бүхэн нь сэтгэлчлэн бүтэж байхийг хүсэн ерөөе.

Бодууштай л юм.

Sat, 27 Dec 2008 16:28:39 +0800

Өнөө цагт бид том байшинтай хэрнээ жижиг гэр бүлтэй, илүү тав тухтай боловч амрах цаг зав багатай, олон эрдмийн зэрэг цолтой боловч наад захын мэдлэггүй, өргөн мэдлэгтэй боловч бага бодолтой, олон экспертүүдтэй уулздаг боловч олон асуудлуудтай, илүү анагаах ухаанжиж байгаа боловч илүү их өвчин зовлонтой болжээ.

Бид аливаад хөнгөн хуумгай хандаж, бага инээж, хурдтай давхиж, түргэн уурлаж, оройтож унтаж, өглөө босохдоо ядарсан сэрж, бага уншиж, зурагт их үзэж, бурханд цөөн залбирах юм.

Өөрийгөө хүрээлэх эд хогшлоо нэмэгдүүлэх хэрнээ үнэт зүйлсээ бууруулж, их ярьж, бага хайрлаж, худал хэлэх нь олширчээ.

Яаж амьдрахыг судалдаг хэрнээ амьдралыг судалдаггүй, он жилүүдээ амьдралд зориулах хэрнээ он жилүүдээ зориулдаггүй, өндөр барилгатай ч богино ухаантай, өргөн хурдны замтай явцуу нарийн үзэл бодолтой, их үрж бага бүтээж, худалдан авах зүйлч олширсон ч түүнээсээ авах ханамж багасчээ.

[...]

Оргилуун дарсны талаарх сонирхолтой мэдээлэл.

Sat, 27 Dec 2008 16:04:41 +0800

Эрт дээр цагт оргилуун дарсыг гоо сайхны зорилгоор хэрэглэдэг байжээ. Эрхэмсэг дээдсүүд хөөсөрдөг ундаа биеийн арьсыг зөөлөн булбарай, уян налархай болгодог гэж тооцдог байсан учраас оргилуун дарсаар дүүргэсэн ваннд ордог байсан домог ч яригддаг шүү дээ. Харин энэ ундааг дэлхий даяараа тансаг хэрэглээнд тооцдог болсон өнөө үед ийм тансаг аргаар биеийн арьсаа арчлах зориг хүрэх нь юу л бол. Гэхдээ гоо сайхандаа онцгой анхаарал тавьдаг бүсгүйчүүд оргилуун дарсгүй 1 өдрийн өнгөрөөх нь учир утгагүй амьдарч байгаагийн нотолгоо гэж үзэх болжээ. Ингэлээ гээд ямар нэгэн баяр ёслол, найр цэнгээн хэсээд байна гэсэн үг биш юм. Учир нь оргилуун дарс эмэгтэй хүний нүүр царай, гоо сайхан төрхийг эвдэггүй цорын ганц дарс юм. Оргилуун дарс уусны дараа таны арьс эрүүл ягаан өнгөөр туяарч, нүд тань сэтгэл татам гэрэлтэн харагддаг гэнэ.

[...]